Kyoto og hvat so?

Allir flokkar ganga inn fyri at vit undirskriva Kyoto avtaluna, men sum vit sóu í heyst, so hevur eingin eitt veruligt boð um hvussu treytirnar í Kyoto-avtaluni skulu rökkast. Tað einasta boðið sum kemur er at vit kunnu keypa co2 kvotir ella geva stuðul til hitapumpur.
Mín greiða loysn er at uppseta fleiri vindmylnur. Treytin fyri at tað skal vera möguligt , er at vit fáa javnari streymnýtslu um dögnið. Sum stöðan er í dag, so verður næstan eingin streymur nýttur um náttin, og tað hevur við sær at streymurin frá mylnunum ikki hevur nakran brúkara, tí har er sjálvandi eins nógvur vindur um náttina sum um dagin.
Loysnin er at SEV fer at bjóða bíligari streym um náttina, t.d. kundi prísurin vera skorin niður í eina helvt um náttina, og harvið vildi nýtslan farið upp av sær sjálvum. Til dömis hevði tað loyst seg enn betur at keypt eina hitapumpu við bíligum streymi um náttina.
Fyri at strimbra nýtsluna enn meir, so eiga streym-bilar verða frítiknir frá avgjaldi. Hesir bilarnir kundu so verðið lõdir um náttina, og koyrdir um dagin. Streym-bilar eru eisini sera vælegnaðir til föroysk viðurskifti tí tað er avmarkað hvussu langt ber til at koyra, og allar brekkurnar gera at munurin á orkunýtsluni millum ein olju-bili og ein streym-bil verður nógv störri enn um koyrt verður á flötum. Tað er tí at streym-bilurin vinnur orkuna inn aftur tá verður koyrt undanbrekku.
Hesi átak hevði kunnu skorið co2 útlátið so nógv niður at eingin trupulleiki hevði verið at uppfylt Kyoto avtaluna.